சபை வளர
தேவையானவைகள்

ஊழியத்திற்கு
முன்பதாய்
உங்கள் பட்டணத்தை
ஆய்வு செய்யுங்கள்

அப். 17:23ல் "எப்படியென்றால், நான் சுற்றித் திரிந்து, உங்கள் ஆராதனைக்குரியவைகளைக் கவனித்துப் பார்த்தபொழுது, அறியப்படாத தேவனுக்கு என்று எழுதியிருக்கிற ஒரு பலிபீடத்தைக் கண்டேன். நீங்கள் அறியாமல் ஆராதிக்கிற அவரையே நான் உங்களுக்கு அறிவிக்கிறேன்” என்று பவுல் கூறுகிறார். அவர் மார்ஸ் மேடையில் நின்று எல்லா விக்கிரகங்களையும் சுற்றிப் பார்த்து, ஆய்வு செய்தார். அதை போல உங்கள் பட்டணத்தை அல்லது கிராமங்களை அல்லது நீங்கள் வசிக்கும் இடத்தை ஆய்வு செய்யுங்கள். இந்தப் பட்டணம் அல்லது கிராமம் எப்படிப்பட்டது? இதை எந்த பலவான் ஆட்கொண்டிருக்கிறான்? எந்தவிதமான அந்தகார சக்திகள் இந்த ஸ்தலத்தில் இருக்கிறன? என்னவிதமான தலைமை ஆவி இந்த ஊரில் கிரியை செய்கிறது? அதை எப்படிக் கட்ட வேண்டும்? என்பன போன்ற காரியங்களை ஆய்வு செய்ய வேண்டும். மேலும், ஆய்வு செய்யும்படி குழுக்களை ஏற்படுத்துங்கள். ஒவ்வொரு குழுவும் ஒவ்வொரு பகுதியை ஆய்வு செய்யவேண்டும். ஆய்வு செய்து சேகரித்த தகவல்களை உங்களிடத்தில் கொண்டு வரவேண்டும். அந்த தகவல்களையெல்லாம் ஒரு கோப்பில் சேர்த்து வையுங்கள். அவைகளை தேவ சமூகத்திற்குக் கொண்டு சென்று ஜெபியுங்கள். அப்பொழுது தேவன் அந்த இடத்தில் உள்ள பலவானை துரத்துவார். அதன்பின் அந்த இடத்திலே நன்றாக ஊழியம் செய்யலாம்.

ஒரு ஊருக்கு விரோதமாக நான்கு விதமான ஆவிகள் எதிர்த்து வரும்.
அவைகள் துரைத்தனங்கள், அதிகாரங்கள். வானமண்டலத்தின் பொல்லாத ஆவிகள் மற்றும் அந்தகார ஆவிகள் ஆகவே நமக்கு மனிதர்களோடு அல்ல, இந்த நான்கு ஆவிகளோடும் போராட்டம் உண்டு, இவைகளுக்கு முன்பதாய் எதிர்த்து நிற்கத்தக்கதாய் சர்வாயுத வர்க்கத்தைத் தரித்துக்கொள்ளுங்கள்.
இந்த சர்வாயுதவர்க்கங்களுக்கு முன்பதாய் பலவான்கள் நிற்க முடியாது. (யாக்.4:7) "பிசாசுக்கு எதிர்த்து நில்லுங்கள், அப்பொழுது அவன் உங்களைவிட்டு ஓடிப்போவான்" என்று வேதம் சொல்லுகிறது.

எனது அனுபவம்:

நான் ஒருமுறை ஜெபித்துக் கொண்டிருந்தேன். அப்பொழுது ஒரு சர்ப்பத்தின் ஆவியைக் கண்டேன். அந்த சர்ப்பம் முட்டையிட்டு அடைகாத்துக் கொண்டிருந்தது. நான் தேவ சமூகத்திலே, "ஆண்டவரே இந்த ஆவி எப்படி வந்தது” என்று கேட்டேன். “இடம் கொடுத்ததினால் வந்தது" என்று தேவன் சொன்னார். ஆகவே ஒரு சபை இடங்கொடுக்கும்பொழுது நிச்சயமாய் ஒரு ஆவி தாக்கும். அதனால் இயேசு கிறிஸ்து, "பிசாசுக்கு இடங்கொடாதிருங்கள்" என்றார். ஆகவே பிசாசிற்கு எதிர்த்து நிற்போம்.

அரண்களை
அடையாளம்
காணுங்கள்

அரண்களை ஒவ்வொரு ஊரிலும் சாத்தான் தன் கட்டிவைத்திருப்பான். அரண் என்றால் "கோட்டை" என்று பொருள். சாத்தான் தனக்கென்று பலத்த கோட்டையை வைத்திருப்பான். தாவீது அரணிலே தங்கியிருந்தான் (1சாமு. 22:4). அது தேவனுடைய அரண். ஆனால் சாத்தானும் அரண்களை கட்டிவைத்திருப்பான். உங்களுடைய ஊரை ஆய்வு செய்து பார்க்கும்பொழுது அந்த அரண்கள் தெரியும். உதாரணமாக, ஒரு சாலையில் நீங்கள் போய்க் கொண்டிருக்கும்பொழுது அந்த சாலை முழுவதும் வன்முறை நிறைந்ததாய் காணப்படும். மற்றொரு தெருவிலே விபச்சாரம் அதிகமாய் இருக்கும். இன்னொரு சாலையில் சோம்பேறித்தனம் இருக்கும். ஆங்காங்கே தெருக்களிலே, மற்றும் வீட்டுத் திண்ணையில் வாலிபர்கள் அரட்டையடித்துக் கொண்டிருப்பார்கள். முதியவர்களும் இதில் விதிவிலக்கல்ல. இன்னும் எத்தனையோ விதமான அரண்கள் உண்டு. ஒவ்வொரு தெருவில் இருக்கக்கூடிய அரண்களை ஆய்வு செய்யுங்கள். (2கொரி. 10:4) "எங்களுடைய போராயுதங்கள் மாம்சத்துக் கேற்றவைகளா யிராமல், அரண்களை நிர்மூலமாக்குகிற தற்கு தேவபலமுள்ளவை களாயிருக்கிறது" என்ற பவுலடிகளார் சொல்லுகிறார். அவர் இப்படிப்பட்ட அரண்களை அடையாளம் கண்டு கொண்டார். போதகர்களாகிய நாமும் சத்துருவின் அரண்களை அறிந்து கொண்டு நிர்மூலமாக்க வேண்டும்.

தொடரும் .....